Este ano o MAGOSTO celebrámolo todo o colexio o 9 de novembro. Como case todos os anos tivemos sorte e o tempo favorereceunos cun estupendo día de sol que nos garantiu unha festa divertida e moi calorosa. Despois dalgúns imprevistos, que retrasaron o comezo do magosto, por fin comezamos a movilizarnos. Xuntámonos todos no campo de futbol para escoitar e disfrutar da valiente e impecable actuación dos compañeiros de primaria e secundaria que estiveron ensaiando toda a semana. Unha vez recollidas as castañas, que laboriosamente asaron os/as representantes do ANPA xunto co castañeiro, e repartidas as bebidas fómolas comendo por grupos. Primeiro os pequerrechos de infantil , despois o nenos/as de primaria e por último os rapaces/zas da ESO. Unha vez recollidos os refugallos por fin comezaron OS XOGOS populares. Carreiras de sacos, sogatiras, o xogo da ra, o tres pés, o pano... todos nenos, rapaces e profesores participamos nos xogos entre risos e berros de ánimo. Non houbo gañadores, nin premios, nin perdedores, porque o importante era pasalo ben, divertirse, participar e rir, rir moito. Esperemos poder celebralo o ano que ven se non tan ben coma este, mellor.
