jueves, 15 de diciembre de 2016

PROXECTOS 3º E 4º ESO DO 1º TRIMESTRE

COÑECENDO A LITERATURA POPULAR GALEGA


Durante este trimestre os nosos alumnos de 3º e 4º ESO, estiveron traballando a literatura popular de maneira cooperativa. Primeiro, fixeron unha investigación sobre que era e que tipos de literatura popular existe. Despois, recompilaron toda a información necesaria para levar a cabo o proxecto deste trimestre.
Os alumnos de 3º ESO centráronse na literatura popular en verso, recollendo mostras de refráns, trabalinguas e adiviñas propias da nosa lingua e elaborando un traballo amplo sobre este fantástico tema.
Mentres que os alumnos de 4º ESO realizaron o seu proxecto baseado na literatura popular en prosa, centrándose sobre todo nas lendas e seres mitolóxicos galegos.


jueves, 19 de mayo de 2016

MICRORRELATOS de 2º da ESO


   Os alumnos de 2º B da ESO escribiron estes interesantes microrrelatos en grupos de traballo cooperativo coa tecnica do Folio Xiratorio. O resultado foi sorprendente...

MORTE TÁXICA

   Quedaba pouco tempo e non podía darlle suficente enerxía. Non respondía aos toquesDesvanecíase a luz, quedaba escuro. As ventás xa se lle pechaban, estaba quedando sen vida.
  Intentei reanimalo pero era demasiado tarde, cada vez estaba peor.   Empezou a escurecerse, os asubíos de aviso escoitábanse na sala. O home, desesperado, dáballe golpes para que respondera xa que o seu organismo deixaba de funcionar. Xa era demasiado tarde .Soou a alarma
  Quedou sen batería

Fátima Veiga
Cristina Pérez
Ramón Moldes
Marcos Canosa

   SOIDADE AGOCHADA EN PLÁSTICO

   Estaba coas súas amigas e levárona a un lugar novo, estraño e polo tanto descoñecido para ela.
   Dábanlle de comer pero non quería comer. Vestíana como eles querían sen preguntarlle como quería ela que a vestisen. Facían con ela o que querían e pasaba a metade do día soa. O tempo que non pasaba soa o pasaba cunha nena que a sometía a golpes e maltratos psicolóxicos.
   Choraba todos os días, aínda que non se viran as bágoas.
   O pasaba mal, pero non o parecía porque todo se escondía en plástico.
   A triste vida dunha boneca.

Laura Otero Jiménez
Sergio Rey González
Andrés Cortés Taboada
Sara García de la Riega Sande

O BANDIDO DOS BIGOTES

   Merlín, cos seus bigotes negros e puntiagudos, saltaba de casa en casa e todos os veciños invitábano a comer un pouco de pescado e un vasiño de leite. Vivía na rúa pero non lle gustaba andar por ela. Tamén pasaba tempo en casa dos seus mellores amigos, os gatos. Non era moi audaz, nin veloz pero aínda así os gatos o querían.
   A el gustáballe cazar, era a súa afección pero un día, asustouse cun ruído do bosque e dixo:
  “Miau”.

Aida Souto
Ana Freire
Fernando Argibay
Miguel Rivas

lunes, 28 de marzo de 2016

PROXECTO: "SERES MITOLÓXICOS"

Os alumnos de 4º ESO A e B realizaron durante o 1º e 2º trimestre un gran proxecto. Este consistiu en investigar e traballar as lendas e o seres mitolóxicos propiamente galegos.

O proxecto desenvolveuse en varias fases. Nun principio, todos en grupos de tres e de maneira cooperativa tiveron que buscar información sobre o tema a tratar. Despois, plasmaron esa información por escrito, acompañada de imaxes. Posteriormente, cada un seleccionou un par de lendas galegas e aprendeunas de memoria. A continuación, expuxeron as súas lendas en clase diante dos seus compañeiros e por último, e como broche final, un grupo de trece alumnos fixo unha declamación de ditas lendas ante alumnos de 5º e 6º de Primaria, así como de 1º e 2º de ESO. A exposición das lendas galegas foi todo un éxito, xa que non só as aprenderon os alumnos que as traballaron, senón que tamén tiveron a gran oportunidade de coñecelas e gozar delas alumnos doutros ciclos e niveis.

Nas fotos que tedes a continuación podedes observar as diferentes fases deste marabilloso proxecto.



PROXECTO CO VOCABULARIO DOS ALIMENTOS (1º da ESO)


Para traballar co vocabulario dos alimentos os alumnos de 1º da ESO elaboraron, nas materias de Ed. Plástica e Lingua Galega, unhas CARTAS de MENÚ para cada día da semana moi orixinais. Empregaron para a súa realización os materiais que cada grupo cooperativo considerou necesario.































PROXECTO INTERDISCIPLINAR CO VOCABULARIO (1º e 2º da ESO)

  Para traballar co vocabulario das PARTES do CORPO, os alumnos de 1º da ESO, e o VESTIARIO os alumnos de 2º, fixeron o seguinte Proxecto Interdisciplinar nas áreas de Lingua Galega, Francés, Inglés e Ed. Plástica en grupos cooperativos
  Os alumnos de 1º elaboraron una recortables articulados con diversos materias  ("Mariquitas") e os alumnos de 2º a roupa de invierno cos que vestilos. Na materia de Ingles puxeron en "bocadillos" oracións relacionadas co tema e nas materias de Lingua Galega e Francés etiquetaron as pezas de ropa cos que vestiron os bonecos. Este foi o marabilloso resultado.



.........



   
















          



















martes, 15 de marzo de 2016

FALEMOS DO CAMIÑO DE SANTIAGO

Para completar o proxecto do "Camiño de Santiago", os alumnos de 3º ESO A e B, realizaron outro traballo que consistiu en construír un diálogo con toda a información que recompilaran sobre o "Camiño de Santiago" desde Tui e desde Oporto. Tras a redacción do diálogo tiveron que aprendelo e posteriormente representalo ante o resto dos seus compañeiros.
Aquí tendes unha mostra de todo o proceso.











PROXECTO "CAMIÑO DE SANTIAGO"

Durante este trimestre os alumnos de 3º ESO A e B estiveron traballando de forma cooperativa para desenvolver o proxecto "O camiño de Santiago" desde Tui e desde Oporto.
Dividíronse en grupos de tres e cada grupo tiña que buscar información sobre os quilómetros que hai que percorrer para facelo, por que localidades se pasa, en cantas etapas se pode realizar, onde se poden atopar albergues, que monumentos se poden coñecer ao longo do camiño e que tempo se necesita para percorrelo.
Despois de recompilar a información tiñan que plasmala por escrito en diferentes materiais e acompañala de imaxes. Todo isto ademais dunha maneira creativa.
Finalmente fixemos unha exposición dos diferentes traballos.
Aquí tedes unhas cantas fotos que amosan o resultado final.